Në vend të mureve dhe tapetave njëngjyrëshe, të cilat mund t’i ketë gjithsecili, vetë ngjyrosni muret dhe ofroni shtëpisë suaj një vulë personale
Po ju japin një ide të shkëlqyeshme dhe udhëzime të hollësishme se si me pak angazhim dhe vullnet t’i dekoroni muret e dhomës suaj dhe dhomës së fëmijëve, duke përdorur shabllone të blera apo të bëra vetë.
Artistja Janna Makaeva nga New Jersey, ka zgjedhur për këtë projekt të thjeshtë dhe argëtues “bëje vetë” me motive kaktusesh, ndërsa ju, duke përdorur teknikën e saj të ngjyrosjes, mund të bëni një shabllon sipas dëshirës nga plastika dhe ta zbukuroni hapësirën me dezenë bimësh apo me ndonjë dezen tjetër, transmeton Telegrafi.
Materialet e nevojshme:
• Blini shabllonin
• Ngjitës spërkatës për ngjitje të përkohshme
• Shiriti ngjitës
• Rul sfungjeri për suvatim
• Furça për bojë
• Sfungjeri
• Bojë (ngjyrë jeshile në tre nuanca, e bardhë dhe rozë)
Mënyra e ngjyrosjes:
1. Ngjitni skajet e murit në dysheme dhe në tavan me shirit stofi.
2. Përdorni shabllon të gatshëm apo bëjeni nga një fletë plastike të dimensioneve më të mëdha, ashtu që fillimisht të vizatoni motivin e dëshiruar, pastaj të pritni format me bisturi.
3. Ngjitni shabllonin në mur me ndihmën e shiritit. Mund të përdorni edhe ngjitës në formë spreji në mënyrë që shablloni më mirë të puthitet për mur dhe skajet do të jenë më të theksuara.
4. Me rul aplikoni tri nuanca të ngjyrës së gjelbër në kaktuse, njërën pas tjetrës.
5. Njomeni sfungjerin dhe derisa ngjyra të jetë e lagësht, dhe me lëvizje të lehta kaloni sfungjerin nëpër mur. Në këtë mënyrë do t’i bashkoni nuancat e ndryshme të ngjyrës dhe do t’i bëni kalimet e bukura midis tyre. Sfungjeri gjithashtu do t’i japë cilësi imazhit.
6. Përdorni një furçë boje për të aplikuar bojë rozë në majat e kaktusit.
7. Duke përdorur një furçë më të vogël, lyeni gjembat në kaktus me bojë të bardhë.
8. Pasi të keni mbaruar një segment, qëroni shabllonin, zhvendoseni në pjesën tjetër të murit, duke u kujdesur që të jetë i varrosur me pjesën tashmë të lyer.
Vazhdoni derisa të mbuloni gjithë murin.
