Kryeministri i Malit të Zi Dritan Abazoviq tha se për problemin e ngrohjes nëpër shkolla nuk është fajtore Qeveria, por, siç tha ai, ata që e kanë planifikuar buxhetin e kaluar. Ai tha se do ta zgjidhte problemin, por se nuk do të veproj kundër ligjit. Qeveria miratoi Rregulloren për mënyrën e planifikimit dhe zbatimit të prokurimit publik të centralizuar, si dhe u përmend edhe ngrohja në shkolla, e cila ka qenë problematike në komunat veriore ditëve të fundit. “Të thotë dikush se për shkak të kësaj qeverie nuk ka ngrohje në shkolla, kjo është një e pavërtetë famëkeqe. Nëse nuk ka ngrohje, drejtohuni tek ata që kanë planifikuar buxhetin e mëparshëm dhe që kanë tëhequr pikën që lidhet me çështjen e ngrohjes në Ministrinë e Arsimit. Gjithçka që duhet nga buxheti, Qeveria e shërben pa kufizime. Ne do ta zgjidhim edhe këtë problem, por nuk kemi bërë ligj për prokurimin publik, as nuk jemi në gjendje të veprojmë në mënyrë të kundërligjshme për një kohë të shkurtër, sepse dikush do ta dëshironte dhe pastaj do të bënte kallëzim penal”, tha Abazoviq. Ligji për Prokurimin Publik, siç sqaroi ai, nuk parasheh rrethana të jashtëzakonshme.„Prandaj, apeli im është, dhe mendoj se ka një disponim për të shkuar drejt një ndërhyrjeje në të cilën ajo zgjidhje ligjore të ndryshohet”, tha Abazoviq.
