Sot është shtyrë seanca e Gjykatës Kushtetuese, e cila duhej të vendoste për kushtetutshmërinë e ndryshimeve në Ligjin për Vetëqeverisje Lokale, me të cilat u shtynë zgjedhjet në 14 komuna për më 23 tetor. Seanca nuk është mbajtur për shkak të mungesës së arsyeshme të kryetarit të Gjykatës Kushtetuese, Budimir Shqepanoviq. Qendra për Tranzicion Demokratik në fillim të muajit maj ka dorëzuar iniciativën për shqyrtimin e kushtetutshmërisë së ndryshimeve në Ligjin për Vetëqeverisje Lokale, me të cilat zgjedhjet lokale në 14 komuna janë shtyrë për më 23 tetor. Të rikujtojmë se, kur kërkoi vlerësimin e kushtetutshmërisë, QTD-ja tha se ndryshimet në Ligjin për Vetëqeverisje Lokale janë shkelur si standardet ndërkombëtare të zgjedhjeve ashtu edhe kornizën ligjore ndërkombëtare, të cilat shpallin mbajtjen e rregullt të proceseve zgjedhore përveç në situata të jashtëzakonshme. Një muaj pasi kërkoi vlerësimin e kushtetutshmërisë dhe pas mungesës së reagimit nga Gjykata Kushtetuese, QTD theksoi se pasiviteti i kësaj gjykate dhe mosdeklarimi pas shtyrjes së zgjedhjeve vendore mund të nënkuptojë se ky institucion pajtohet me cenimin e proceseve demokratike në Mal të Zi. “Injorimi i nismave tona të gjata do të thotë se kjo gjykatë nuk është e interesuar për çështjet vendimtare të funksionimit të demokracisë dhe zgjedhjeve demokratike në vend”, kishin deklaruar nga QDT në qershor.
