Të paktën 16 persona janë vrarë dhe më shumë se 40 të tjerë janë plagosur në Kiev dhe zonat përreth, pas një sulmi masiv rus gjatë natës me raketa dhe dronë.
Forcat Ajrore të Ukrainës bëjnë me dije se Rusia lëshoi dhjetëra raketa kruiz, si dhe raketa balistike e hipersonike, së bashku me 168 dronë. Sipas autoriteteve ukrainase, rreth 90% e dronëve dhe shumica e raketave kruiz u rrëzuan nga mbrojtja ajrore.
Forcat Ajrore nuk specifikuan numrin e raketave balistike të lëshuara dhe as nëse ndonjë prej tyre u interceptua.
Në Kiev, katet e sipërme të një pallati nëntëkatësh u shkatërruan në lagjen Solomiansky, ku u regjistrua pjesa më e madhe e viktimave në kryeqytet. Kryebashkiaku Vitali Klitschko bëri thirrje që e premtja të shpallet ditë zie.
https://platform.twitter.com/embed/Tweet.html?creatorScreenName=topchanneltv&dnt=false&embedId=twitter-widget-0&features=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%3D%3D&frame=false&hideCard=false&hideThread=false&id=2090406342557065220&lang=en&origin=https%3A%2F%2Ftop-channel.tv%2F2026%2F08%2F20%2F16-te-vrare-dhe-mbi-40-te-plagosur-nga-sulmet-ruse-ne-kiev-zelensky-cdo-rakete-shtese-shpeton-jete%2F&sessionId=201c84a3049f5d761899abf80bc75d9b2150d122&siteScreenName=tchbreakingnews&theme=light&widgetsVersion=6a3ad42b224df%3A1778106238597&width=550px
Dëme u raportuan edhe në dy zona të tjera të Kievit, ku u goditën një shkollë dhe një spital për fëmijë, ndërsa dëmtime pësuan edhe ambiente dhe depo jo-rezidenciale.
Ndërkohë, Ministria ruse e Mbrojtjes deklaroi se sulmet ajrore dhe me dronë kishin në shënjestër Kievin dhe zonat përreth, duke pretenduar se u goditën objekte që prodhojnë komponentë për dronë, një depo ushtarake dhe një qendër furnizimi, mes objektivave të tjera.
Presidenti ukrainas Volodymyr Zelensky akuzoi aleatët e Ukrainës se nuk kanë rimbushur në kohë rezervat e raketave të mbrojtjes ajrore, duke paralajmëruar se mungesa e tyre po kushton jetë njerëzish.
Rusia ka shtuar përdorimin e raketave balistike gjatë muajve të fundit dhe Zelensky u ka kërkuar vazhdimisht aleatëve që të furnizojnë Ukrainën me raketa interceptuese për sistemet Patriot.
Sipas Zelenskyt, Patriot është i vetmi sistem në arsenalin ukrainas i aftë të rrëzojë një raketë balistike.
“Raketat interceptuese për sistemet Patriot nuk janë zëvendësuar ende dhe ato nevojiten çdo ditë”, shkroi Zelensky në Telegram. “Çdo raketë shtesë shpëton jetën e popullit tonë”, shtoi presidenti ukrainas.
