Sipas të dhënave të disponueshme, çdo vit në Mal të Zi sëmuren nga 20 deri në 30 fëmijë me sëmundje malinje.
“Të dhënat tregojnë se ka dy herë më shumë djem, pra dy të tretat kundrejt një të tretës së vajzave. Diagnozat më të shpeshta të sëmundjeve malinje tek fëmijët dhe adoleshentët (0 – 18) në Mal të Zi janë leukemia, e ndjekur nga tumoret malinje të trurit, kockat dhe limfomat. Çdo vit, në grupmoshën 0-18 vjeç, në vendin tonë regjistrohen nga pesë deri në dhjetë vdekje nga sëmundjet malinje”, njofton Shoqata malazeze për luftë kundër kancerit.
Dita Ndërkombëtare e Fëmijëve me Sëmundje Malinje festohet që nga viti 2002 me iniciativën e Childhood Cancer International (CCI).
Sipas tyre, qëllimi i festimit të Ditës Ndërkombëtare të Fëmijëve me Sëmundje Malinje është nxitja e ndërgjegjësimit social për problemin e kancerit tek fëmijët dhe si ta njohim në kohë sëmundjen, si ta luftojmë atë dhe si dhe në çfarë mënyre secili prej nesh mund të marrë pjesë në krijimin e një rrjeti të gjerë solidariteti për të ndihmuar dhe mbështetur fëmijët e sëmurë dhe familjet e tyre.
