Trupi Koordinues Kombëtar në seancën e sotme lehtësoi masat për banorët e Komunës së Tuzit. Rendi i ri lejon që një anëtar i familjes të dalë jashtë, nga ora 8 e mëngjesit deri në orën 14 pasdite, lejohet funksionimi i farmacive, dyqaneve. Dalja nga shtëpia ndalohet çdo ditë prej orës 15 pas dite deri në orën 5 të mëngjesit të ditës tjetër.
Rregullorja e re lejon:
- Një anëtar i familjes, anëtarëve të të cilit nuk është dhënë një masë e izolimit të vetvetes (nuk ka raste të konfirmuara të sëmundjes, ose kanë qenë në kontakt me raste të konfirmuara të sëmundjes infektive COVID 19), mund të largohet nga objekti për furnizimin me ushqim, ilaçe dhe produkte të tjera të nevojshme për konsum ditor, si dhe kryerjen e detyrave dhe aktiviteteve të tjera urgjente (ekzaminime mjekësore, etj.)
- Puna e farmacive dhe ambienteve ku lejohet ushqimi, pijet, produktet higjenike, karburantet motorike, produktet e ndërtimit, produktet për mbrojtjen e bimëve dhe materialet e mbjelljes, produktet e ushqimit dhe trajtimit të kafshëve, pajisjet për fëmijë, pajisje shtypi, makineri dhe pajisjet bujqësore, nga ora 8:00 deri në ora 14:00, me përdorimin e detyrueshëm të pajisjeve mbrojtëse personale për punonjësit dhe distancën e tyre fizike.
- Fermerëve nga territori i Komunës së Tuzit u lejohet të lëvizin nga ora 05:00 deri në 20:00 me përdorimin e pajisjeve mbrojtëse personale dhe të sigurojnë distancën e tyre fizike, në mënyrë që të kryejnë punë bujqësore në fermën e tyre.
U ndalohet qytetarëve të Tuzit:
- Dalja nga vendbanimi çdo ditë pune nga 15:00 deri në 5:00 të mëngjesit ditën tjetër, ndërsa gjatë fundjaves, kufizimet do të zbatohen, si për qytetarët e komunave të tjera, të shtunen ndalimi i lëvizjes nga ora 13:00 dhe të dielen nga ora 11:00, si dhe ndalohet dalja nga territori i Komunës së Tuzit.
- Vetë-izolimi është i detyrueshëm për personat, të cilët, bazuar në vendimin e inspektimit shëndetësor-sanitar, përcaktojnë masën e vendosjes së izolimit të tyre.
Trupi Kordinues Kombëtar vlerësoi se qytetarët e Tuzit kanë respektuar masat e marra në maksimum, duke treguar një shembull se si me disiplinë dhe përgjegjësi mund të vijë deri tek zbutja e masave.
Kryeministri Dushko Markoviq, i cili mori pjesë në seancën e TKK, shprehu falënderimet e tij për kryetarin e Komunës së Tuzit, Nik Gjeloshaj dhe bashkëqytetarët e tij për përgjegjësinë e tyre jo vetëm për shëndetin dhe jetën e qytetarëve të tyre, por edhe për tërë Malin e Zi.
“Komuniteti ka treguar se specifikat mund të lihen mënjanë në të njëjtën kohë për shkak të një interesi më të gjerë. Ju mund të jepni një shembull për të gjithë në Mal të Zi,” tha Kryeministri Dushko Markoviq në seancë, duke iu drejtuar Kryetarit të Komunës së Tuzit.
Kryeministri, duke vlerësuar punën e TKK, tha se mënyra se si vendi ynë i ka rezistuar pandemisë së koronavirusit ka treguar se institucionet malazeze kanë potencial serioz dhe njerëz që janë të aftë dhe të përkushtuar për të marrë vendime të vështira, të guximshme dhe të mençura dhe në sfidat më të mëdha.
