Të paktën 28 persona, mes tyre pesë fëmijë, janë vrarë dhe 118 të tjerë janë plagosur nga një valë e re sulmesh ajrore ruse në Ukrainë.
Sulmet goditën 12 rajone të vendit, ndërsa autoritetet ukrainase e cilësuan atë si një nga operacionet më të gjera ruse të javëve të fundit.
Sipas Presidentit ukrainas Volodymyr Zelensky, Rusia përdori rreth 70 raketa dhe dhjetëra dronë, ndërsa infrastruktura energjetike ishte një nga objektivat kryesore.
Një pjesë e madhe e Kievit mbeti pa energji elektrike, ndërsa në kryeqytet u raportuan katër viktima.
Zelensky tha se në kundërpërgjigje, forcat ukrainase goditën dy objekte të industrisë së naftës në rajonet ruse të Permit dhe Samarës.
Sulmet kanë rritur gjithashtu shqetësimet për furnizimin me energji të Ukrainës përpara dimrit dhe për mungesën e raketave interceptuese për sistemet e mbrojtjes ajrore Patriot.
