Dialogu ekonomik me Shtetet e Bashkuara është i një rëndësie thelbësore për bashkëpunimin ekonomik midis dy vendeve dhe ndihma amerikane është e domosdoshme, veçanërisht në fushën e investimeve, tha Kryeministri Zdravko Krivokapiq në një takim me Zëvendës Ndihmës Sekretarin e Shtetit të SHBA Matthew Palmer. Palmer theksoi se lidhja midis dy vendeve është miqësore dhe e qëndrueshme dhe se ka hapësirë për thellimin e marrëdhënieve, veçanërisht në fushën e ekonomisë, dhe se kontaktet e ardhshme diplomatike do të çojnë në këtë qëllim. Krivokapiq vuri në dukje se momenti i duhur është gjetja e mënyrave të reja për të forcuar marrëdhëniet dypalëshe, veçanërisht në fushën ekonomike, duke pasur parasysh se pandemia COVID-19 ka lënë pasoja të konsiderueshme negative në të gjitha ekonomitë kombëtare. Kryeministri mirëpriti trendin e dukshëm të bashkëpunimit të ngushtë midis SHBA dhe BE, në të cilin Ballkani Perëndimor njeh perspektivën dhe interesin e tij.
