Fillimi i sezonit dimëror në Drejtorinë për Çështje të Inspektimit nënkupton edhe fillimin e zbatimit të planit të mbikëqyrjes së zgjeruar inspektuese, kështu që inspektimi turistik, tregu, i punës dhe shëndetësor e sanitar do të marrë pjesë në kontrollet e zgjeruara që do të kryhen më së shumti në qendrat turistike dimërore, por edhe në ato komuna ku pritet një fluks i madh njerëzish gjatë festave të fundvitit dhe për rrjedhojë një volum i shtuar i aktiviteteve në të gjitha degët ekonomike, bëhet e ditur nga ai institucion.
Mbikëqyrja e shtuar inspektuese planifikohet të zgjasë nga 29 dhjetori 2023 deri në fund të janarit 2024, me mundësi vazhdimi edhe gjatë muajit shkurt nëse situata në terren tregon një nevojë të tillë.
Qytetarët përkujtohen se gjatë festave të fundvitit do të jetë e hapur edhe Call Center i Administratës për Çështje Inspektuese 080/555-555, përmes së cilës mund të konstatojnë parregullsi, ndërsa zyrtarët kujdestar do t’i përcjellin iniciativat tek inspektimet kompetente për veprime të mëtutjeshme.
“Me këtë rast, apelojmë tek të gjitha subjektet ekonomike që edhe gjatë volumit të shtuar të punës dhe frekuentimit të lartë të respektojnë rregulloret ligjore pozitive dhe në këtë mënyrë të kontribuojnë në ofrimin e shërbimeve sa më cilësore dhe në fund të një atmosfere më të këndshme për të gjithë ata që vendosin ta kalojnë këtë sezon dimëror dhe festat në zonën tonë”, thuhet në njoftim.
