Në Mal të Zi është i nevojshëm përmirësimi i bashkëpunimit të institucioneve audituese në Mal të Zi dhe Gjykatës Evropiane të Auditorëve, në mënyrë që Mali i Zi të përshtatet me kërkesat që do të dalin nga anëtarësimi në Bashkimin Evropian, tha presidenti i Malit të Zi, Jakov Millatoviq.
Ai u takua me kryetarin e Gjykatës Evropiane të Auditorëve, Tony Murphy.
“Gjatë bisedës kontestuese, Millatoviq theksoi respektin që ka Mali i Zi për punën e Gjykatës Evropiane të Auditorëve dhe rëndësinë e saj për Bashkimin Evropian. Ai theksoi nevojën e përmirësimit të bashkëpunimit ndërmjet institucioneve të auditimit në Mal të Zi dhe Gjykatës Evropiane të Auditorëve, me synimin për të përshtatur vendin tonë me kërkesat që do të dalin nga anëtarësimi në Bashkimin Evropian”, thuhet në njoftim.
Sipas tyre, gjatë bisedës Millatoviq ka theksuar rëndësinë e veprimit të mëtutjeshëm të pavarur të Institucionit Shtetëror të Auditimit.
“Përfaqësuesit e institucionit i njoftuan të pranishmit për mënyrën e funksionimit të këtij institucioni, si dhe sfidat me të cilat përballen në punën e tyre. Bashkëbiseduesit ranë dakord se ka hapësirë të konsiderueshme për realizimin e aktiviteteve të përbashkëta, dhe presidenti Millatoviq ka shprehur gatishmërinë për të vizituar selinë e kësaj Gjykate në kuadër të disa aktiviteteve të tij të politikës së jashtme”, thuhet në njoftim.
