Sot është duke u zhvilluar seanca e Kuvendit të Malit të Zi, ku duhet të zgjidhet kryesia e re e Kuvendit, me gjasë edhe Qeveria e 44-të e Malit të Zi.
Në krye të Kuvendit do të jetë lideri i Demokracisë së Re Serbe Andrija Mandiq ndërsa Qeverisë Millojko Spajiq.
Seanca drejtohet nga deputeti më i vjetër i parlamentit, Millan Lekiq.
Propozimin për kandidimin e Mandiqit e ka shpjeguar kryetari i Partisë Popullore Demokratike, Millan Knezheviq.
Ai lexoi biografinë e tij, duke thënë se Mandiq ka mbaruar Fakultetin e Metalurgjisë dhe Teknologjisë në Podgoricë dhe se ka qenë themeluesi dhe kryetari i Partisë Popullore Serbe, dhe më vonë lideri i Demokracisë së Re Serbe.
“Karakteristika themelore e biografisë së tij njerëzore është të bëjë një kompromis njerëzor për të mirën e komunitetit dhe njerëzve. Andrija Mandiq pati mundësinë të dorëzohej dhe të tradhtonte bindjet e tij… për apartamente, bursa studimi…”
Siç shtoi ai, Andrija Mandiq nuk ka shtet rezervë dhe se ai dhe aleanca politike që ai përfaqëson duan të dërgojnë dorën e pajtimit, që të kuptoni se Mali i Zi nuk ekziston pa malazezë, shqiptarë, boshnjakë, myslimanë, kroatë, por edhe pa serb.
Deputeti i PDS-së, Danijell Zhivkoviq thotë se partia e tij do të qëndrojë edhe në opozitë.
“Sot nuk kemi festë demokracie në Kuvend sepse sot zgjedhim një vojvodë çetnike kryetar të pushtetit legjislativ, i cili e thotë hapur për vete. Ideologjia që ka qenë bashkëpunëtor me okupatorin në Malin e Zi antifashist,” tha Zhivkoviq.
Ai theksoi se karakteri i Malit të Zi dhe orientimi i tij i jashtëm politik po ndryshojnë sot.
Ai e pyeti Mandiqin nëse ai është Andrija Mandiq i dikurshëm apo i tanishmi dhe nëse do të tërheqë njohjen e Kosovës, nëse do të kërkojë nga qeveria të tërhiqet nga aleanca e NATO-s dhe nëse do të kërkojë kthimin e ushtarëve nga misionet e NATO-s.
“Nëse është e vërtetë që e keni nënshkruar marrëveshjen, dhe është e vërtetë, atëherë çdo votues i juaji ka të drejtë të pyesë pse e keni tradhtuar ideologjinë tuaj për hir të funksionit”.
Edhe deputetë të tjerë diskutuan mbi pikat e rendit të ditës…
