Në shkollat e mesme këtë vit do të ofrohen 8,652 vende për regjistrimin e gjysemmaturantëve, prej të cilave 2,632 janë në gjimnaze.
Kjo do të thotë se 53 institucione malazeze do të ofrojnë më shumë se 1,000 vende më shumë në krahasim me gjeneratën që përfundoi shkollën fillore këtë vit shkollor.
Ministria e Arsimit njoftoi se konkursi me shumë gjasa do të shpallet javën e ardhshme, ndërsa aplikimet do të dorëzohen në mënyrë elektronike (www.upisi.edu.me) më 26, 27, 28 dhe 29 qershor.
Sipas Ministrisë, ofrohen programe të reja, ndërsa ato ekzistuese do të organizohen në shkolla në më shumë komuna se më parë.
“Në vitin shkollor 2022/2023 shkollën fillore e kanë përfunduar 7,538 nxënës, nga të cilët 276 nxënës kanë mbaruar shkollën fillore në gjuhën shqipe. Gjithashtu, 52 nxënës kanë përfunduar shkollën fillore në shkollat fillore private në gjuhën angleze dhe 28 nxënës në gjuhën ruse”, saktësohet nga departamenti. Nga 6,020 vende në shkollat e mesme profesionale, 1,540 janë planifikuar për programe (tregtare) trevjeçare. Nxënësit do të mund të zgjedhin mes 70 programeve të ndryshme të arsimit profesional dhe të mesëm, njoftoi departamenti i Miomir Vojinoviq. Në Tuz, Plavë dhe Ulqin mësimi i programeve të caktuara arsimore zhvillohet në gjuhën shqipe”, thuhet në njoftim të Ministrisë.
