Sipas studimit të fundit nga Universiteti Kolumbia në New York, vetëm pesë minuta ecje çdo gjysmë ore mund të lehtësojë disa nga efektet e dëmshme të qëndrimit ulur për periudha të gjata kohe.
Kjo do të thotë se ka shumë studime sipas të cilave të ulesh për disa orë, si në kushte zyre, është një rrezik për shëndetin, edhe për ata që bëjnë ushtrime rregullisht.
Studiuesit kanë zbuluar se pesë minuta ecje çdo 30 minuta mund të ulin ndjeshëm si sheqerin në gjak, ashtu edhe tensionin e gjakut.
Përveç kësaj, kjo jo vetëm që mund të zvogëlojë lodhjen, por edhe mund të përmirësojë humorin, transmeton KP.
Sipas këtij studimi, edhe përmirësimet e vogla në aktivitetin fizik mund të kenë ndikim në sheqerin në gjak dhe tensionin e gjakut.
Kjo është rreth 40 minuta aktivitet fizik gjatë tetë orëve të ditës së punës, të mjaftueshme për të filluar një mënyrë jetese më të shëndetshme.
Tani më dihet mirë se qëndrimi në këmbë dhe ecja rrit rrjedhjen e gjakut, veçanërisht në këmbë. Ato ndihmojnë edhe në metabolizmin e sheqernave dhe të yndyrave.
