Banka Botërore uli parashikimin e rritjes, me rekomandimin që të ardhurat të mos bazohen vetëm në një degë ekonomike. Në vendin tonë është turizmi dhe se si duket praktikisht kur rrethanat shkatërrojnë stinën e dëshmojnë qendrat dimërore. Nuk ka mysafir në Kollashin, dhe rezervimet janë anuluar. “Kemi një fitim të humbur krahasuar me një vit më parë. Këtë vit jemi në rreth 10 deri në 20 për qind të të hyrave në krahasim me vitin paraprak”, tha për TVMZ, Bojan Medenica, drejtor i qendrës së skijimit “Kollashin 1600”. Në hotele janë anuluar 30 deri në 50 për qind e aranzhimeve, ndërsa në akomodimet private situata është edhe më e keqe. Dushko Raketiq, pronar i apartamenteve private, thotë se pas Krishtlindjeve pothuajse nuk ka sezon. Sekretari shtetëror në Ministrinë e Zhvillimit Ekonomik dhe Turizmit Armend Milla thotë se Mali i Zi ka nevojë për diversifikim ekonomik. “Zhvillimi i bujqësisë është i një rëndësie vendimtare për ne”, tha Milla.
