Kufjet XR të Apple do të hyjnë në prodhim masiv deri në mars 2023.
Dhe prodhuesi kinez me kontratë Pegatron pritet të jetë furnizuesi kryesor i pajisjes, shkruajnë mediat e huaja, përcjell Telegrafi.
Apple besohet të lansojë kufjet e saj XR në një ngjarje në prill 2023, pasi furnizimi fillestar do të jetë shumë i kufizuar.
Raporti specifikon se furnizimi fillestar për kufjet Apple XR në vitin e parë do të jetë diku nga 700,000 deri në 800,000 njësi, që është më e ulët se vlerësimet e mëparshme prej 2.5 milionë njësi.
Vlerat më të ulëta të furnizimit nuk do t’i bëjnë kufjet XR aq fitimprurëse për furnitorët, megjithëse Pegatron dhe të tjerët do t’i përmbushin këto porosi në mënyrë që ato të mund të pozicionohen më mirë për produktet e ardhshme AR/VR në linjë. /Telegrafi/
