Instituti i Shëndetit Publik u bëri thirrje qytetarëve që të vaksinohen dhe të respektojnë rekomandimet për higjienën e duhur të duarve, të mbajnë maska mbrojtëse në ambiente të mbyllura dhe të mbajnë distancë adekuate. Këtë e ka bërë të ditur ISHP për shkak të ndërlikimit të situatës epidemiologjike. “Kërkojmë nga qytetarët që t’i përmbahen rekomandimeve të forta të ISHP-së për mbajtjen e maskës mbrojtëse në ambiente të mbyllura, mbajtjen e distancës adekuate dhe higjenën e duhur të duarve, e cila vlen për të gjitha kategoritë e popullsisë, por mbi të gjitha për personat mbi 65 vjeç, me imunitet të dobësuar dhe persona me sëmundje kronike”, thuhet në njoftim. Instituti u kërkoi të gjithë qytetarëve që nëse nuk janë vaksinuar dhe nëse janë vaksinuar të marrin një dozë të tretë ose të katërt shtesë, në përputhje me rekomandimet e Trupit Kombëtar Ekspert Këshillimor për Imunizimet (NITAG).
