Reperi Buta është shndërruar në një prej emrave më të përfolur gjatë këtyre ditëve.
Kjo pasi vëllai i tij, Qëndrim Januzaj, u raportua se u përfshi në një vrasje e cila sipas dosjes zyrtare të prokurorisë, ndodhi në shenjë hakmarrje për vëllanë e tij [Butën], pasi këtij i ishte djegur vetura nga viktima me inicialet G.H.
Buta, emri i vërtetë i të cilit është Betim Januzaj, ka reaguar për herë të parë mbi rastin në fjalë, përmes një shkrimi të publikuar në InstaStory.
Foto: Buta/Instagram
Ai e ka nisur shkrimin në mënyrë skandaloze duke “falënderuar për mbështetje ndaj vëllait të tij”, ndërsa ka hedhur fajin mbi mediat që gjatë këtyre ditëve kanë raportuar dhe hedhur dritë mbi rastin famëkeq.Lexo po ashtu:Bëhet virale një video e reperit Buta në TikTok, ku shihet duke u larguar për në Angli?
“I falënderoj krejt për mesazhet mbështetëse për Qëndrimin se nuk po mundem t’jua kthej të gjithëve. E mediave, portaleve edhe ‘gazetarëve’ duhet me ju ardhë marre për krejt këto rrena, shpifje e njollosje që mezi presin me i shpifë për dy klikime më shumë. Shyqyr njerëzit janë të mençur e shohin përtej rrenave të juaja, e nuk ndikohen aq sa doni ju”, ka shkruar Buta në InstaStory.
Foto: Buta/InstaStory
Përndryshe, 30-vjeçari i cili mbeti i vrarë nga ngjarja në fjalë, është varrosur dje (e diel) në Ferizaj. /Telegrafi/
