Nuk ka Evropë për Malin e Zi nëse nuk ka dialog dhe kompromis, tha kryetari i Delegacionit të Parlamentit Evropian për bashkëpunim me Malin e Zi, Vladimir Bilçik, në seancën e Kuvendit të Qytetarëve. Bilçik tha se Mali i Zi tani po përballet me kohë ekzistenciale. “Konfrontohet se sa e vështirë është të gjesh një ekuilibër midis një konflikti të shëndetshëm politik dhe një kompromisi shumë të nevojshëm. E di që menaxhimi i konfliktit është një sfidë e madhe. Të gjithë jemi krenarë për idetë tona dhe nuk duam të heqim dorë nga ato. Prandaj po merremi me politikë”, tha ai. Megjithatë, ekziston një mënyrë për t’i mbrojtur idetë tona pa ua imponuar të tjerëve dhe kjo është dialogu. “Mendoj se dialogu është shërimi kryesor për shumë sëmundje politike në Mal të Zi sot. Ky nuk është vetëm mendimi im. Ky është fakt dhe shifrat në kuvend e tregojnë këtë”, theksoi Bilçik. “Ju kërkoj të uleni dhe të diskutoni të gjitha çështjet dhe më në fund të arrini një marrëveshje që do ta ndihmojë vendin tuaj të ecë përpara. Nuk ka Evropë për Malin e Zi nëse nuk ka dialog dhe kompromis”, tha ai.
