Presidenti i Malit të Zi Millo Gjukanoviq tha se një vit pas punës së qeverisë së re, vlera të caktuara që Mali i Zi ka arritur në periudhën e kaluar po rrënohen sistematikisht, dhe, siç thotë ai, rruga e integrimit në Bashkimin Evropian është ndalur plotësisht. Ai vuri në dukje se Mali i Zi nuk ka një qeveri që mbron interesat kombëtare të Malit të Zi dhe se opozita duhet të sigurohet që ta marrë atë. Në një konferencë shtypi në Zagreb pas një takimi me homologun e tij kroat Zoran Millanoviq, Gjukanoviq theksoi se është mirë që njerëzit e kuptuan se çdo ndryshim që ndodh nuk është një ndryshim për mirë. “Nëse vetëdija është mjaft e pjekur për të ndryshuar këtë realitet, do të shohim. Unë mendoj se do të ishte e dobishme të sillnim ndryshime, për ta mbajtur Malin e Zi në rrugën e integrimit në BE dhe për të ndaluar rënien në kohë. Kjo do të varet nga gjendja shpirtërore e qytetarëve të vendit tonë, dhe koha është aleati ynë, dhe kjo është arsyeja pse unë nuk pendohem për këtë vit,” tha Gjukanoviq. Po ashtu, Gjukanoviq theksoi se duhet kohë që opinioni ti kuptojë ato, si dhe theksoi se historia e Kishës Ortodokse Serbe ka një dinamikë më të ngadaltë.
