Kryeministri i Malit të Zi, Zdravko Krivokapiq, uroi Ditën e Komunës së Tuzit, duke thënë se sipas strukturës dhe orientimit të saj shumëkombësh dhe fetar qytetar, mund të shërbejë si shembull për komunat e tjera. “Potencialet natyrore në fushat e bujqësisë dhe turizmit do ta bëjnë këtë komunë një gjenerator të rëndësishëm të rritjes dhe zhvillimit malazez. Këtë vit Qeveria ka kontribuar me investime në përputhje me rrethanat, dhe në periudhën në vazhdim, në bashkëpunim me qeverisjen vendore dhe diasporën, ne do të punojmë dhe investojmë për cilësi edhe më të mirë të jetës, për punësime të reja, për sigurimin e rrethanave perspektive për të rinjtë,” thuhet në urimin e Krivokapiq. Ai shtoi se dëshiron që Tuzi të bëhet një vend ku njerëzit të vijnë dhe të qëndrojnë. “Qytetarët e kënaqur janë baza për prosperitet të mëtejshëm, dhe unë thellësisht besoj se së bashku ne mund dhe duam të punojmë për këtë,” thuhet në mesazhin urues të Kryeministrit Krivokapiq.
