Parlamenti i Malit të Zi miratoi ndryshimet në Ligjin për Prokurorinë e Shtetit për herë të dytë, pasi Presidenti i Malit të Zi, Millo Gjukanoviq, refuzoi të nënshkruajë këtë akt. 41 deputetë të qeverisë votuan për ndryshimet në atë ligj. Deputetët e opozitës nuk ishin në Kuvend kur u votua akti. Më parë, më 12 maj, deputetët miratuan ndryshime në Ligjin për Prokurorinë e Shtetit. Opozita në atë kohë bojkotoi votimin. Gjukanoviq refuzoi të nënshkruajë aktin dhe e ktheu atë në Kuvend për një vendim të ri. Ai vlerësoi se nga ky ligj sistemi kushtetues dhe ligjor i Malit të Zi është i rrezikuar. “Kushtetuta parashikon një sistem të ndarë të qeverisjes, por nuk parashikon kontroll mbi gjyqësorin, parimet themelore demokratike po shkatërrohen, partneriteti me BE po shkatërrohet,” theksoi më parë Gjukanoviq. Sot, Kuvendit përsëri miratoi ndryshimet në ligj pa debate, pas së cilës Presidenti i Shtetit, në përputhje me Kushtetutën, do të jetë i detyruar t’i nënshkruajë ato.
