Në qendrën tregtare Delta City nga e hëna, 24 maj, të gjithë qytetarët e Malit të Zi do të kenë mundësinë të vaksinohen. Me iniciativë të Ministrisë së Shëndetësisë, dhe në bashkëpunim me Qendrën Shëndetësore Podgorica, punkti në Delta City do të fillojë të punojë në orën 10 të mëngjesit, dhe do të punojë çdo ditë deri në orën 10 të mbrëmjes, u njoftua nga ajo qendër tregtare. “Trendi i vaksinimit në objektet e këtij lloji është provuar të jetë shumë pozitiv, duke pasur parasysh se procesi i vaksinimit është në aktivitet të plotë dhe se çdo ndihmë në zbatimin e këtij aktiviteti është i mirëseardhur, ne jemi të kënaqur që një strukturë tregtare siç është Delta City të jetë në dispozicion ”, tha drejtori i qendrave shëndetësore në Podgoricë, Danilo Jokiq. Kryeinfermierja e Qendrës Shëndetësore, Aida Piraniq, e cila është në krye të ekipit të imunizimit, gjithashtu sheh avantazhin e këtij vendi për vaksinimin. “Duke pasur parasysh numrin e njerëzve që vizitojnë Delta City në baza ditore, ne shpresojmë që ne gjithashtu do të jemi në gjendje t’u shpjegojmë qytetarëve të cilët mund të mos kenë synuar të vaksinohen, përfitimet e procesit të imunizimit dhe kështu t’i inkurajojmë ata se është një hap i rëndësishëm drejt normalizimit të jetës shoqërore ”. Vaksinimi do të kryhet në një hapësirë të përgatitur posaçërisht në atriumin e rrumbullakët, çdo ditë pune dhe të Shtunave nga ora 10 e mëngjesit deri në 22 të mbrëmjes, thuhet në njoftimin e Delta City.
