Linja ajrore kombëtare greke së shpejti do të rinisë fluturimet për në Malin e Zi, njoftoi Kryeministri i Greqisë, Kyriakos Mitsotakis. “Qeveria është e vendosur të heqë në mënyrë efektive të gjitha pengesat e mundshme për anëtarësimin e Malit të Zi në BE. Kryesisht në fushën e luftës kundër korrupsionit dhe krimit të organizuar,” tha Krivokapiq. Sipas tij, ata e konfirmuan këtë me vendime të shpejta dhe efikase në ditët e para të mandatit të tyre. Krivokapiq vuri në dukje se ai kishte biseduar me një numër të madh të zyrtarëve dhe përfaqësuesve të ekonomisë në Greqi për mundësitë për përmirësimin e bashkëpunimit midis Greqisë dhe Malit të Zi, por edhe për pozicionin e Malit të Zi në procesin e anëtarësimit në BE. Krivokapiq deklaroi se detyrat e Qeverisë janë të garantojë sundimin e ligjit si një nga parakushtet kryesore për anëtarësimin dhe të punojë paralelisht në rehabilitimin e ekonomisë malazeze në rrethana post-pandemike.
