Data e re e përmendur në kuadër të zgjerimit të Bashkimit Evropian (BE), 2030, është disi dekurajuese, sidomos për vendet që janë më të avancuara në atë proces, ka vlerësuar presidenti i Malit të Zi, Jakov Millatoviq.
Pas takimit me kryeministrin e Luksemburgut, Xavier Bethel, ai tha se në periudhën paraprake ka munguar një komunikim më i fortë mes Malit të Zi dhe autoriteteve malazeze dhe kryeqyteteve të vendeve anëtare të BE-së.
![](https://tvboin.com/wp-content/uploads/2023/09/MilatoviA_-Betel-1-1695898921026.jpg)
![](https://tvboin.com/wp-content/uploads/2023/09/MilatoviA_-Betel-1-1695898921026.jpg)
“Deri më tani komunikimi kryesisht ka ekzistuar ndërmjet Malit të Zi dhe Komisionit Evropian (KE), por ju e dini se një hallkë e rëndësishme në procesin e anëtarësimit të Malit të Zi është pikërisht mbështetja që marrim nga shtetet anëtare”, tha Millatoviq.
Ai shtoi se pikërisht ky është qëllimi i vizitave të tij, për të forcuar prezencën dhe komunikimin mes Malit të Zi dhe vendeve anëtare.
Sipas Millatoviqit, Luksemburgu, si një vend i vogël i ngjashëm me Malin e Zi në shumë aspekte, mund të jetë një zë i fortë mbështetës për Malin e Zi në rrugën e tij të mëtejshme drejt BE-së.
![](https://tvboin.com/wp-content/uploads/2023/09/MilatoviA_-Betel-4-1695898921035.jpg)
![](https://tvboin.com/wp-content/uploads/2023/09/MilatoviA_-Betel-4-1695898921035.jpg)
“Data e re e përmendur, viti 2030, është pak dekurajuese, veçanërisht për vendet që janë më të avancuara në atë proces dhe këtu, mbi të gjitha, mendoj për Malin e Zi”, tha Millatoviq.
Ai shtoi se pikërisht ky është mesazhi që dëshiron t’u përcjellë kryeqyteteve të vendeve anëtare të BE-së dhe KE-së – se Mali i Zi, në kuadër të procesit të zgjerimit, është më i avancuari nga të gjitha vendet.