Me qëllim të forcimit të sistemit shëndetësorë në të gjitha segmentet, e para së gjithash në qasje me kualitative dhe mbrojtjes më të mirë shëndetësore të qytetarëve, Ministria e Shëndetësisë ka inicuar kontrollimin e punës plotësuese të punëtorëve shëndetësorë në pajtim me Ligjin për mbrojtjen shëndetësore, njoftuan nga kjo Ministri. Qëllimi është që të forcojmë sistemin shëndetësorë dhe presim përkushtim dhe përgjegjësi, pikërisht të punësuarve në institucionet e shëndetit publik, duke filluar nga stafi i mesëm mjekësor mjekët e përgjithshëm, specialist dhe subspecialist në qendrat shëndetësore, spitale dhe të Qendrës Klinike të Malit të Zi, me theks të veçantë në menaxhment, i cili është i detyruar të respektojë të gjitha veprimet normative dhe ti drejtojë ato pa përjashtim. Ata shtojnë se duke marrë parasysh shëndetin e qytetarit dhe kujdesi për shëndetin e tij duhet të jetë në radhë të parë, nuk duhet të lejojmë që shëndetësia t’u takojë vetëm të pasurve, dhe ata që kanë lënë mënjanë kontributet e sigurimeve shëndetësore për dekada dhe kanë ndërtuar këtë vend, të neglizhohen dhe të lihen të kujdesen për veten e tyre. “E përsërisim, këtë përgjegjësi e ndajnë Ministria e Shëndetësisë, çdo institucion shëndetësor, si dhe çdo punonjës në sistemin shëndetësor të Malit të Zi”, thuhet në njoftimin e Ministrisë së Shëndetësisë.
