Duke pranuar ftesën për të folur për pjesëmarrjen në qeveri, Lista Shqiptare konfirmoi se po zhvillon politikë plotësisht të pavarur dhe duke mos e pranuar atë pjesëmarrje, ne nuk do të jemi alibia demokratike e askujt për përdorim të jashtëm, sepse duket se ky ishte qëllimi i thirrjes së koalicionit trepalësh, posaçërisht e udhëheqësit, tha në një intervistë për “Pobjeda”,një nga drejtuesit e koalicionit shqiptar, Genci Nimanbegu. Ai poashtu tha se Lista Shqiptare nuk mori kurrë një përgjigje zyrtare nga mandatari për kryeministër, Zdravko Krivokapiq, për kërkesat e saj. “Ne kurrë nuk kemi marrë ndonjë përgjigje zyrtare nga mandatari, përveç asaj gojore, e cila ka ndryshuar disa herë dhe nuk ka qenë kurrë e njëjtë. Është e qartë ne nuk kemi të njëjtën politikë ose qëllime për çështjet kryesore. Kjo konfirmon dyshimet e mia në lidhje me synimet përfundimtare të qeverisë së propozuar, të cilat janë më deklarative dhe se qëndrimi ndaj pakicave nuk është thelbësisht i ndryshëm nga i zakonshmi në këtë zonë,” tha Nimanbegu. I pyetur nëse Krivokapiq i kishte ofruar Listës Shqiptare vende specifike në qeveri, Nimanbegu përsëriti se ata kurrë nuk kishin marrë ndonjë përgjigje me shkrim. “Pra është e qartë se ata nuk ofruan asgjë. Unë u informova se diçka ishte ofruar në një takim joformal që sqaron të gjitha këto në lidhje me përbërjen dhe mesazhet konfuze të dërguara në publik,” vuri në dukje ai. Duke folur për mënyrën se si ai e shikon përbërjen e propozuar të qeverisë, Nimanbegu thotë: “Një qeveri që nuk është as eksperte dhe as pa politikanë, për të cilën unë besoj se nuk ka asnjë precedent në demokracitë parlamentare është një qeveri që ka aq shumë të panjohura sa është aventurizëm i pastër politik. Nuk mund të ketë legjitimitet të fituar në zgjedhje dhe duket më shumë si një i jashtëligjshëm, që do të thotë një qeveri e vendosur mbi një koalicion trepalësh”. Kandidatët e propozuar dhe konfuzioni mbi departamentin, thotë Nimanbegu, tregojnë se qeveria do të ketë, ndër të tjera, epitetin e eksperimentit.
