Të gjitha llojet e karburanteve nga mesnata do të lirohen nga një deri në tre cent, njoftoi Ministria e Investimeve Kapitale. Një litër benzinë 98 dhe 95 do të jetë tre cent më i lirë dhe do të kushtojë përkatësisht 1,47 euro dhe 1,43 euro. Eurodizel dhe nafta për ngrohje do të jenë një cent më lirë, kështu që në 15 ditët e ardhshme një litër Eurodizel do të kushtojë 1.32 euro, ndërsa nafta për ngrohje 1.29 euro. Në përputhje me dispozitat e Dekretit për mënyrën dhe sasinë e elementeve në bazë të të cilave formohen çmimet maksimale të derivateve të naftës, llogaritja e radhës do të bëhet më 6 dhjetor dhe mundësisht çmimet e ndryshuara të derivateve të naftës do të vlejnë nga 7 dhjetori 2021.
