Ministri i Administratës Publike Marash Dukaj, u takua me kryetarin e Prishtinës, Perparim Rama. Siç është raportuar nga Ministria e Administratës Publike, gjatë takimit u bisedua për përvojat e dy vendeve në fushën e qeverive lokale dhe fuqizimin e sistemeve lokale të vetëqeverisjes, si dhe kompetencat e institucioneve përkatëse. “Bashkëbiseduesit arritën në përfundimin se kishte hapësirë për bashkëpunim dhe shkëmbim të përvojës dhe rekomandimeve që do të kryheshin nga të dy vendet. Ministri Dukaj i bëri thirrje kryetarit Rama për të vizituar Malin e Zi”, thanë nga Ministria e Administratës Publike.
Ministri Dukaj, në kuadër të vizitës së tij në Kosovë, ka pasur darkë pune me Ministrin e Administrimit të Pushtetit Lokal të Republikës së Kosovës, z. Elbert Krasniqi, si dhe me Ministrin e Mbrojtjes të Republikës së Kosovës, z. Armend Mehaj.
Gjithashtu, ministri Dukaj u takua dhe bisedoi me nënkryetarin e Kuvendit të Republikës së Kosovës dhe ish-ministrin e Punëve të Jashtme, prof. dr Enver Hoxhaj. Siç bën të ditur Dukaj, me nënkryetarin Hoxhaj diskutuan për rrugën evropiane të të dyja vendeve, duke theksuar se synimi kryesor si i Malit të Zi ashtu edhe i Republikës së Kosovës është anëtarësimi në Bashkimin Evropian.
