Kryetari i komunës së Tuzit Nik Gjeloshaj bëri të ditur se nga 56 projekte që do të mbështeten në kuadër të Interreg Euro-MED, institucionet e Malit të Zi do të marrin pjesë në 14 prej tyre.
Kështu është vendosur në mbledhjen e Komisionit për monitorimin e këtij programi të bashkëpunimit ndërmjet vendeve mesdhetare, që po mbahet sot në Lubjanë.
“Komuna e Tuzit është partneri i vetëm udhëheqës nga vendet kandidate për në BE. Vlera totale e projektit ku Komuna e Tuzit është lider është 2.95 milionë euro,” shkruan Gjeloshaj në “Facebook”.
