Nënshkrimi i marrëveshjes themelore me Kishën Ortodokse Serbe është akti i fundit që ai komunitet fetar të jetë brenda sistemit të unifikuar ligjor të Malit të Zi, tha Zëvendëskryeministri Dritan Abazoviq. Ai u tha gazetarëve se nuk shikon ndonjë gjë problematike ose të jashtëzakonshme në nënshkrimin e kontratës me Kishën Ortodokse Serbe, nëse ajo është plotësisht në përputhje me atë që duhet të jetë një qëndrimi parimor dhe korrekt i shtetit ndaj bashkësive fetare dhe bashkësive fetare ndaj shtetit. Sipas Abazoviq, të gjitha bashkësitë fetare duhet të funksionojnë brenda një sistemi të vetëm ligjor në Malin e Zi. Ai tha se beson se teksti i kontratës do të jetë në dispozicion së shpejti dhe shtoi se nuk pati mundësinë ta shihte atë tekst. Siç deklaroi Abazoviq, “të gjithë thanë se Kisha Ortodokse Serbe vepronte jashtë sistemit ligjor të Malit të Zi dhe se ky ishte problemi më i madh.” Ai tha se Ligji për Lirinë e Fesë, i cili u miratua në parlament në fund të vitit të kaluar, është jashtëzakonisht liberal dhe u mundëson të gjitha bashkësive fetare, pavarësisht nga madhësia e tyre, të jenë pjesë e një sistemi të vetëm ligjor.
