Një letër e Presidentit të PDS-së Millo Gjukanoviq drejtuar Sekretarit të Përgjithshëm të Socialist International, SI Luis Ayala, u botua në faqen e internetit të (SI) në lidhje me reagimin e Malit të Zi ndaj krizës pandemike. Në letër, Gjukanoviq thekson se autoritetet shtetërore dhe shoqëria malazeze në tërësi kanë treguar një përgjegjësi të lakmueshme për t’u përballur me sfidën e epidemisë. “Ne kemi pasur sukses falë partneritetit me qytetarët, koordinimit të mirë të institucioneve shtetërore në të gjitha nivelet dhe në bashkëpunim me të gjithë aktorët e tjerë të shoqërisë që kontribuan në luftën kundër armikut të padukshëm dhe të panjohur”, thuhet në letrën e Gjukanoviqit. Ai falënderoi partnerët ndërkombëtarë dhe tha se Mali i Zi tani është në fazën e kapërcimit të krizës, duke u përpjekur për të riparuar ekonominë, duke ruajtur vendet e punës… “Një përgjigje kombëtare është jetike, por është mjaft e qartë se multilateralizmi afatgjatë është arma më e mirë në luftën kundër kësaj krize, si dhe kërcënimet e tjera globale”, thuhet në letër. Gjukanoviq thekson se ata mund të llogarisin në mbështetjen e plotë të PDS në kërkimin e përgjigjeve të përbashkëta për sfida të tilla, ndërsa ruajnë, siç shprehet ai, vlerat themelore të demokracisë perëndimore.
