Delegacioni i Qeverisë së Malit të Zi mori pjesë në shënimin e 11 korrikut – Ditës së Përkujtimit të Gjenocidit në Srebrenicë.
„Si boshnjake nga Mali i Zi, por edhe si nënë dhe si njeri, më vjen keq që historia nuk e regjistroi sekuencën e dytë të ngjarjeve, më vjen keq që nuk kishte mjaft njerëz në mesin e atyre që duhej të ishin miq dhe fqinjë dhe kjo arsye e bëri të mos kapërcehen qëllimet e liga, pasojat e të cilave janë të pakthyeshme“, tha ministrja e Çështjeve Evropiane, Maida Gorçeviq.
Në emër të Malit të Zi, ajo shprehu ngushëllimet e saj më të thella me familjet e viktimave dhe respektin për të gjithë ata që këmbëngulin në aspiratën që gjenocidi në Srebrenicë të mos harrohet kurrë.
Ajo tha se fatkeqësisht nuk mjaftuan 29 vite që të gjitha viktimat e gjenocidit të dinjitetohen dhe të dërgohen në prehjen e tyre të përjetshme.
Ajo shtoi se krimi më i madh lufte në Evropë pas Luftës së Dytë Botërore dëshmon brutalitetin dhe mizorinë njerëzore të pakufijshme kur politika e urrejtjes helmon shoqërinë.
„Prandaj, përvjetorët e kësaj masakre duhet të jenë një mundësi për kujtesën dhe të vërtetën, sepse të heqësh dorë nga e vërteta për të kaluarën do të thotë të heqësh dorë nga një e ardhme e çliruar nga frika se e njëjta gjë mund të përsëritet. Dhe ne mund të bazojmë një të ardhme të shkujdesur vetëm në një kundërshtim të vendosur ndaj ideve ende të vështira, por për fat të mirë jopopullore, për epërsinë e popullit të vet ose inferioritetin e popujve të tjerë, ide që këmbëngulin në një shoqëri etnikisht homogjene dhe iluzionet se paqja është e mbivlerësuar dhe lufta është e përshtatshme,“ tha Gorçeviq.
