Vezët janë lëndë ushqyese të fuqishme, veçanërisht kur bëhet fjalë për të verdhën e vezës. Ka shumë mënyra se si mund t’i përfshini vezët në vaktet tuaja, nga vezët e fërguara, omëletat dhe vezët e ziera.
Qoftë nëse i hani si meze të lehtë me pak kripë dhe piper të zi të bluar, ose bëni një hap më tej dhe i ktheni në vezë të ziera, do të keni jo vetëm një vakt të shijshëm, por edhe të shëndetshëm, pasi vezët janë një prej burimeve më të pasura të një nutricienti të caktuar të quajtur kolinë.
Përgatitja e një veze të zier është një nga ato teknika që është jashtëzakonisht e thjeshtë. Edhe pse nuk përfshin ndonjë finesë kulinare dhe kërkon vetëm një përbërës, ka shumë gjëra që mund të shkojnë keq.
Kur përgatitni vezë të ziera, a pyesni shpesh nëse duhet ta kriposni ujin në të cilin do t’i gatuani vezët? Edhe pse mendimet janë të ndara, ka ende shpjegime për kriposjen e ujit në të cilin do të gatuhen vezët.
Ja pse:
Zierja e një veze në ujë të kripur e përshpejton këtë proces. Kripa jo vetëm që e shpejton vlimin e ujit, por sapo të vlojë, është më e nxehtë se sa do të ishte nëse nuk do të ishte kripur. Si rezultat, veza gatuhet më shpejt. Sigurisht, duke qenë se po flasim për sasi të vogla kripe dhe një kohë të shkurtër gatimi, ndryshimi nuk është aq i rëndësishëm, por gjithsesi ekziston.
Një arsye tjetër për të shtuar pak kripë në ujin e gatimit është pak më interesante dhe është shpjeguar së fundmi nga i famshmi Jamie Oliver, i cili pretendon se shtimi i një sasie të vogël kripe në ujë para gatimit ndihmon në mbajtjen e lëvozhgës të paprekur gjatë gatimit dhe nëse plasaritet, do të ndihmojë që e bardha e vezës të mos rrjedhë në ujë ose të rrjedhë sa më pak që është e mundur. /Telegrafi/
