Ministria e Administratës Publike është plotësisht e përkushtuar në procesin e decentralizimit dhe forcimit të sistemit të vetëqeverisjes lokale në Mal të Zi, tha ministri Marash Dukaj gjatë vizitës së tij në Cetinë, ku u takua me kryetarin e komunës Nikolla Gjurashkoviq. Me atë rast, Dukaj dhe Gjurashkoviq diskutuan për projektet aktuale, si dhe për planet e ardhshme në fushën e reformës së administratës publike me fokus në përmirësimin e ofrimit të shërbimeve për qytetarët. “Ne ndërmarrim aktivitete që kanë për qëllim përmirësimin e funksionimit dhe qëndrueshmërisë së njësive të vetëqeverisjes lokale, me qëllim të sigurimit të ofrimit efikas të shërbimeve për qytetarët, si dhe thellimin e bashkëpunimit dhe zgjidhjen e problemeve që rëndojnë punën e vetëqeverisjes lokale”, tha Dukaj. Ai theksoi se në arritjen e këtij qëllimi, aktivitetet tona duhet t’i drejtojmë bashkërisht në të mirë të qytetarëve dhe Cetinës dhe se dyert e Ministrisë së Administratës Publike do të jenë gjithmonë të hapura në lidhje me ngritjen e administratës së orientuar nga qytetari dhe reformën e administratës publike. Gjurashkoviq, siç njofton Ministria e Administratës Publike, e ka njoftuar ministrin Dukaj për projektet zhvillimore aktuale dhe planet e ardhshme, të cilat janë funksion i punës më efikase dhe më të mirë të Cetinës dhe ofrimit të shërbimeve më të mira për qytetarët. “Ne përpiqemi të përmirësojmë kushtet e punës së punonjësve tanë dhe qëllimi i të gjitha aktiviteteve të administratës dhe shërbimeve lokale është të kontribuojmë në përmirësimin e vazhdueshëm të cilësisë së jetës së qytetarëve të Cetinës, në koordinim me të gjitha organet dhe institucionet e tjera“, theksoi Gjurashkoviq.
