Në Mal të Zi, një pacient 76-vjeçar nga Plluzhine ka ndërruar jetë në 24 orët e fundit si pasojë e infektimit me koronavirus dhe janë regjistruar 65 raste të reja të infektimit, njoftoi Instituti i Shëndetit Publik (ISHP). Numri i përgjithshëm i vdekjeve nga infeksioni Covid-19 në Mal të Zi që nga fillimi i pandemisë është 2,716. Deri në orën 15:00 u raportua shërimi i 114 pacientëve. Duke marrë parasysh të gjitha rastet e reja të zbuluara si dhe numrin e të shëruarve, numri i përgjithshëm i rasteve aktualisht aktive me Covid-19 në Mal të Zi është 593.
