Buka do të bëhet më e shtrenjtë nëse Qeveria e Malit të Zi nuk merr masa konkrete së shpejti. Bukëpjekësit paralajmërojnë se situata aktuale është e paqëndrueshme për shkak të rritjes marramendëse të çmimit të miellit, për shkak të çmimeve të larta të energjisë dhe grurit. Bukëpjekësit janë duke negociuar me Qeverinë, kanë dërguar një propozim për një sërë masash për tejkalimin e krizës, por Qeveria tani për tani hesht për të gjitha. Nëse kjo situatë vazhdon, të gjithë do të vuajnë. Prandaj bukëpjekësit bëjnë thirrje që të gjendet një zgjidhje sa më shpejt.
