PRESIDENTI BIDEN NËNSHKRUAN PROJEKT-LIGJIN QË SHMANG MBYLLJEN E QEVERISË

President Joe Biden speaks about prescription drug prices and his "Build Back Better" agenda from the East Room of the White House, Thursday, Aug. 12, 2021, in Washington. (AP Photo/Evan Vucci)

Presidenti Joe Biden nënshkroi të enjten në mbrëmje vetëm disa orë para se të skadonte afati, legjislacionin që shmang një mbyllje të pjesshme të qeverisë federale dhe e financon atë deri më 3 dhjetor. Kongresi e kishte miratuar projekt-ligjin të enjten. Votimet e njëpasnjëshme nga Senati dhe Dhoma e Përfaqësuesve shmangën njërën krizë, por paqartësitë për një krizë tjetër vazhdojnë ndërsa demokratët dhe republikanët përballen me çështjen e rritjes së kufirit të borxhit të qeverisë. Dhoma e Përfaqësuesve miratoi masën e financimit afatshkurtër me 254 vota pro dhe 175 vota kundër, pasi Senati e miratoi atë me një rezultat 65-35. Shumica e republikanëve në të dy dhomat votuan kundër saj. Legjislacioni ishte i nevojshëm që qeveria të vazhdonte të funksionontepasi viti aktual financiar të përfundonte në mesnatën e së enjtes. Miratimi u jep ligjvënësve më shumë kohë për të hartuar buxhetin që do të financojë agjencitë federale dhe programet që ato administrojnë.

SHARE