Foto: Ilustrim
Sipas parashikimeve të Komisionit Evropian për vitin 2025, ekonomia e Malit të Zi ka vazhduar të rritet me rreth 3% në gjysmën e parë të vitit, e nxitur kryesisht nga kërkesa e lartë e brendshme.
Rritja e të ardhurave dhe zgjerimi i kredive kanë përforcuar konsumimin privat, por njëkohësisht kanë shtuar presionet inflacioniste.
Raporti thekson se disbalancat e jashtme janë rritur për shkak të uljes së përkohshme të eksportit të energjisë elektrike, rezultateve më të dobëta në turizëm dhe kërkesës së lartë për mallra të importuara.
Komisioni parashikon një rritje të moderuar ekonomike për periudhën 2025–2027, me një rimëkëmbje graduale të eksportit dhe ngadalësim të konsumit privat.
Buxheti i rishikuar parashikon deficit prej 3.5% të PBB-së në 2025, ndërsa deficiti pritet të mbetet mbi 3% në vitet e ardhshme. Borxhi publik parashikohet të rritet mbi 60% të PBB-së.
