Situata humanitare në Rripin e Gazës është përkeqësuar ndjeshëm pasi një mot i keq me reshje të dendura shiu, erëra të forta dhe ajër të ftohtë goditi territorin.
Qindra mijëra palestinezë të zhvendosur, që jetojnë në çadra të dëmtuara, përballen me rrezik të lartë përmbytjesh dhe shembjesh, siç paralajmëroi Mbrojtja Civile e Gazës.
Autoritetet meteorologjike raportojnë se Palestina po ndikohet nga një sistem i ulët presioni që sjell reshje të forta dhe stuhi.
Mbrojtja Civile u ka bërë thirrje të zhvendosurve të forcojnë tendat, të ndërtoshin barriera me rërë dhe të hapin kanale drenazhi për të shmangur përmbytjet, si dhe të qëndrojnë larg ndërtesave të dëmtuara nga bombardimet.
U paralajmërua gjithashtu kundër ndezjes së zjarreve brenda çadrave.
Shumë familje kanë frikë se stuhia do të shkatërrojë edhe ato pak sende që u kanë mbetur, duke përsëritur përmbytjet që kanë përjetuar gjatë dy sezoneve të fundit me shi.
Zyra e Medias së Gazës vlerëson se 93% e çadrave të të zhvendosurve janë të papërshtatshme për strehim, ndërsa ndihmat humanitare mbeten të kufizuara për shkak të bllokadës izraelite.
Autoritetet e Gazës akuzojnë Izraelin për shkelje të protokollit humanitar të marrëveshjes së armëpushimit, e cila përfshin lirimin e pengjeve dhe të burgosurve, rindërtimin e territorit dhe krijimin e një administrate pa Hamasin.
Nga tetori i vitit 2023, Izraeli ka vrarë mbi 69.000 palestinezë, kryesisht gra dhe fëmijë, duke e kthyer Gazën në rrënoja.
