Foto: Qeveria e Malit të Zi / Vlada Crne Gore
Ministri i Financave të Malit të Zi, Novica Vukoviq, ka deklaruar për RTMZ se është e domosdoshme të përcaktohet qartë mënyra e financimit të sistemit shëndetësor dhe se të gjithë aktorët relevantë duhet ta kenë këtë parasysh gjatë planifikimit të buxhetit për vitin e ardhshëm.
Vukoviq theksoi se Ministria e Financave ka për obligim të kërkojë përgjegjësi në menaxhimin e mjeteve publike, dhe se nuk mund të jetë vetëm një spektator i heshtur, ndërsa buxheti shpenzohet pa kontroll të duhur.
Ai kujtoi se që në fillim të vitit i kanë kërkuar Fondit të Shëndetësisë informacione shtesë për të përmirësuar kontrollin e shpenzimeve, sidomos për ilaçet.
Edhe pse gjatë vitit ministria ka miratuar shpenzimet në përputhje me kërkesat e Fondit, vetëm në pjesën e dytë të vitit janë dorëzuar të dhënat për mungesat e projeksionuara deri në fund të vitit.
Aktualisht është në proces planifikimi i buxhetit për vitin 2026, dhe Vukoviq thekson se të gjitha kërkesat e njësive shpenzuese do të shqyrtohen, por nuk do të mbështetet menaxhimi i asnjë euroje, e aq më pak i qindra milionave, nëse nuk respektohen procedurat ligjore.
