Tregjet evropiane të aksioneve ranë të hënën pasi më herët, rënie të mëdha u regjistruan në Azi, në mesin e frikës se ekonomia amerikane po shkon drejt një ngadalësimi.
Në Londër, indeksi FTSE 100 ra me 2.1% ndërsa në Paris indeksi CAC-40 ra me 2.2% dhe DAX i Frankfurtit ra me 2.4%. Më herët, tregjet aziatike ranë, me Nikkei 225 të Japonisë me 12.4% ose 4,451 pikë në rënien më të madhe në histori.
Kjo vjen pasi të dhënat e vendeve të punës në SHBA, të premten, ndezën shqetësime për ekonominë më të madhe në botë.
Ndërkohë, jeni është forcuar kundrejt dollarit amerikan që kur Banka e Japonisë rriti normat e interesit javën e kaluar, duke i bërë aksionet në Tokio më të shtrenjta për investitorët e huaj.
Tregjet e aksioneve në Tajvan, Korenë e Jugut, Indi, Australi, Hong Kong dhe Shangai shënuan të gjitha rënie.
Të dhënat ekonomike më të dobëta se sa pritej nga SHBA-ja kanë nxitur spekulimet se ekonomia e saj po ngadalësohet.
Në të njëjtën kohë, Rezerva Federale e SHBA-së vijoi me uljen e normave të interesit javën e kaluar në kontrast me bankat e tjera qendrore si Banka e Anglisë.
Ndërkohë, ulja e parë e normës së interesit nga banka e Anglisë në më shumë se katër vjet, po shihet gjerësisht si një shenjë se ekonomia e Mbretërisë së Bashkuar po hyn në një fazë të re, ndërsa ka shqetësime për ekonominë amerikane që mund të trembë tregjet kudo.
Ka pasur gjithashtu shqetësime se aksionet në kompanitë e teknologjisë, si ato të fokusuara në inteligjencën artificiale, janë mbivlerësuar dhe tani po përballen me vështirësi.
