Situata me zjarret po ndërlikohet gjithnjë e më shumë, njoftoi zyrtarisht Ministria e Punëve të Brendshme.
Ata thonë se Drejtoria për Mbrojtje dhe Shpëtim ka ndërmarrë të gjitha masat dhe veprimet e nevojshme parandaluese, por më kot.
“Të gjitha apelet, ndalimit për ndezjen e zjarrit në hapësira të hapura dhe aktivitete të tjera të shumta nuk dhanë rezultatin e pritur. Fatkeqësisht, individë të papërgjegjshëm këto ditë, pothuajse në mënyrë sinkrone, në të gjithë territorin e vendit, shkaktojnë zjarre që shkaktojnë dëme të konsiderueshme në eko-sistemin e Malit të Zi, dhe në të njëjtën kohë rrezikojnë jetët e njerëzve dhe të mirat materiale të qytetarëve”, thuhet në njoftimin e MPB.
Ata bëjnë të ditur se u vu në funksion një sistem i plotë mbrojtjeje dhe shpëtimi me të gjitha kapacitetet njerëzore dhe materialo-teknike në dispozicion.
“Në këtë kontekst, Drejtoria për Mbrojtje dhe Shpëtim ka kërkuar ndihmën e pjesëtarëve të shërbimeve të mbrojtjes dhe shpëtimit nga veriu për të ndihmuar kolegët e tyre në pjesën qendrore të vendit në shuarjen e zjarrit. Në këtë mënyrë forcuam resurset për reagim në vendet më kritike dhe siguruam ndryshueshmërinë e zjarrfikësve, duke pasur parasysh se zjarret shumëditore shkaktojnë edhe lodhjen fizike të tyre. Në këtë rast mirëpresim dhe vlerësojmë përkushtimin dhe këmbënguljen e jashtëzakonshme të zjarrfikësve – shpëtimtarëve në luftën kundër elementit të zjarrtë”, theksojnë ata në njoftim.
Ata ftojnë opinionin të ndajë informacione për shkaqet e zjarrit me përfaqësuesit e sistemit të mbrojtjes dhe shpëtimit duke telefonuar në numrat 112, 123 dhe 122, tek të cilët mund të raportojnë edhe shpërthimin e zjarrit.
