Mali i Zi, si lider afatgjatë në integrimin në BE, dëshiron të përfundojë procesin dhe të bëhet anëtar i plotë i BE-së deri në vitin 2028, tha Presidenti i Malit të Zi, Jakov Millatoviq, gjatë një takimi me ambasadorët e Quint-it në OSBE.
Siç është raportuar, Millatoviq i ka njohur ambasadorët me prioritetet e politikës së jashtme bazuar në aspiratat që Mali i Zi të bëhet anëtari i parë i ardhshëm i BE-së, për të forcuar besueshmërinë e tij si anëtare e NATO-s, për të përmirësuar më tej bashkëpunimin e fqinjësisë së mirë, si dhe pozicionin e tij në korniza shumëpalëshe.
Ai rikujtoi rezultatet e arritura nga Mali i Zi në periudhën e kaluar në fushën e sundimit të ligjit dhe pavarësisë së institucioneve, duke shtuar se marrja e IBAR-it do të ishte një shtysë shtesë për të përshpejtuar rrugën tonë evropiane.
Gjatë takimit u theksua rëndësia e mbështetjes së OSBE-së në rrugën drejt maturimit demokratik, veçanërisht kur bëhet fjalë për reformën zgjedhore dhe përmirësimin e procesit zgjedhor në Mal të Zi.
Millatoviq shfrytëzoi rastin për të theksuar rëndësinë e forcimit të lirisë së medias, si një nga themelet e çdo shoqërie demokratike.
“Ambasadorët e OSBE-së përshëndetën progresin demokratik dhe institucional të Malit të Zi dhe deklaruan se do të vazhdojnë të ofrojnë mbështetje të fortë për proceset reformuese në Mal të Zi”, përfundon deklarata.
