Fushata “16 ditë aktivizim kundër dhunës ndaj grave”, e cila nis nesër, më 25 nëntor, është jashtëzakonisht e rëndësishme për promovimin e të drejtave të njeriut dhe barazisë gjinore.
Ministria e të Drejtave të Njeriut dhe të Pakicave mbështet fuqimisht këtë nismë, duke theksuar urgjencën e luftës kundër të gjitha formave të dhunës ndaj grave dhe nevojën për ndryshimin e normave shoqërore që kontribuojnë në këtë plagë.
Këto 16 ditë duhet të jenë një mundësi për të rritur ndërgjegjësimin për problemin e dhunës ndaj grave, për të edukuar publikun për pasojat dhe efektet afatgjata të akteve të tilla dhe për të forcuar mbështetjen për viktimat.
Ministria e të Drejtave të Njeriut dhe të Pakicave bashkëpunon në mënyrë aktive me organizatat ndërkombëtare, organizatat e shoqërisë civile, institucionet në nivel kombëtar dhe vendor, me qëllim të zhvillimit të përbashkët të strategjive për parandalimin dhe mbrojtjen e grave.
