Kryeministri i Malit të Zi, Millojko Spajiq, ka pritur sot në takim shefen e Delegacionit të Bashkimit Evropian në Mal të Zi, ambasadoren Oana Kristina Popa, duke thënë se është e rëndësishme të vendoset bashkëpunim më intensiv teknik ndërmjet Malit të Zi dhe BE-së.
“Nuk duam të humbasim kohë. Përveç atij politik, është e rëndësishme të vendoset një bashkëpunim teknik më intensiv midis Malit të Zi dhe Bashkimit Evropian, në mënyrë që të dy administratat të mund të kapërcejnë çështjet e hapura potenciale në komunikim të drejtpërdrejtë dhe në këtë mënyrë të kontribuojnë në një integrim më efikas të Malit të Zi në BE,” tha kryeministri.
Ambasadorja tha se BE-ja mirëpret konstituimin e Parlamentit të ri të Malit të Zi dhe formimin e Qeverisë, e cila, siç theksoi ajo, presin të tregojnë kapacitetin dhe përkushtimin e tyre për të arritur rezultate në reformat që kanë të bëjnë me anëtarësimin në BE.
“Ne inkurajojmë të gjithë aktorët politikë në Mal të Zi që të përqendrohen në ndërtimin e një konsensusi mbi aktivitetet prioritare të nevojshme që Mali i Zi të përparojë drejt BE-së, kryesisht në fushën e sundimit të ligjit, në mënyrë që të përmbushen standardet e përkohshme nga kapitujt 23 dhe 24, veçanërisht në lidhje me emërimet kyçe në drejtësi dhe reformat e vonuara gjatë të BE-së”, tha ajo.
