Presidenti i Malit të Zi Millo Gjukanoviq do të niset për në Tiranë nesër, me ftesë të Kryeministrit shqiptar Edi Rama, për të marrë pjesë në Takimin Rajonal të Ballkanit Perëndimor. Takimi u organizua si pjesë e nismës trepalëshe nga Serbia, Shqipëria dhe Maqedonia Veriore, e iniciuar nga Presidenti serb Aleksandar Vuçiq dhe Kryeministrat Rama dhe Zoran Zaev. “Pjesëmarrja e Gjukanoviq është një konfirmim i angazhimit të Malit të Zi për bashkëpunimin rajonal dhe stabilitetin, për të përmirësuar marrëdhëniet e fqinjësisë së mirë, si dhe për përgjegjësitë e tij nën procesin e negociatave me Bashkimin Evropian”, thuhet në deklaratë. Takimi në Tiranë thuhet se është një mundësi për një dialog të hapur për zhvillimet në rajon, përparësitë e përbashkëta të zhvillimit dhe perspektivën evropiane të Ballkanit Perëndimor.
