Sipas të dhënave paraprake të Monstat, në muajin shkurt janë realizuar 38,39 mijë ardhje dhe 95,94 mijë fjetje turistësh në akomodimet kolektive në Mal të Zi.
“Nga numri total i fjetjeve në akomodime kolektive, 75 për qind janë bërë nga të huaj, dhe 25 për qind nga turistët vendas”, thuhet në njoftim.
Në strukturën e netëqëndrimeve sipas llojeve të vendeve turistike në muajin shkurt, më së shumti fjetje u arrit në qytetet bregdetare 60,4 për qind, kryeqytet 17,6 për qind, qytetet malore 14,4 për qind dhe qytetet e tjera 7,5 për qind.
Objektet kolektive të akomodimit përfshijnë hotele, konvikte, motele, vendbanime turistike, resorte, bujtina dhe kampe dhe nuk përfshin akomodimin individual, të ashtuquajtur privat – akomodim në shtëpi dhe dhoma me qira, si dhe në apartamente turistike.
