Mali i Zi duhet të ripërqendrohet në rrugën e anëtarësimit në BE.
„Pas një sërë vendimesh shqetësuese që u morën në vitin e kaluar në kundërshtim me këshillat e Komisionit Evropian dhe Komisionit të Venecias, në vitin 2023 nevojitet urgjentisht një progres vendimtar dhe i prekshëm në fushën e sundimit të ligjit, në të cilën ka mangësitë kryesore të njohura,“ tha shefi i Njësisë për Malin e Zi dhe Serbinë në Drejtorinë e Përgjithshme për Fqinjësinë dhe Negociatat e Zgjerimit të Komisionit Evropian, Michael Miller.
Ai këtë e tha duke hapur mbledhjen e dymbëdhjetë të Nënkomitetit për Drejtësi, Liri dhe Siguri, e cila po mbahet në Podgoricë në format hibrid. “Përqendrimi i fokusuar dhe i besueshëm në këtë qëllim nevojitet nga ana e ekzekutivit, Kuvendit dhe gjyqësorit në mbështetje të përpjekjeve që Mali i Zi të përparojë në rrugën e tij drejt BE. Komisioni Evropian është një partner kyç i Malit të Zi dhe është i gatshëm të ofrojë mbështetje”, tha Miller.
„Duke kapërcyer bllokimin institucional, tani jemi në gjendje të drejtojmë të gjitha përpjekjet tona dhe të forcojmë aktivitetet në mënyrë që të përmbushim standardet e përkohshme të mbetura në kapitujt 23 dhe 24 dhe t’i japim dinamikë të re procesit të integrimit evropian në tërësi,“ tha Sekretarja e Shtetit në Ministrinë e Çështjeve Evropiane, Milena Zhizhiq.
