Qeveria dëshiron ta bëjë Beranen një qendër rajonale shëndetësore, tha ministri i Shëndetësisë Dragoslav Shqekiq. Ai sot me kryeministrin Dritan Abazoviq hapi repartin e rikonstruktuar të kardiologjisë me koronar në Spitalin e Përgjithshëm të Beranës. Abazoviq tha se “parimi i investimit në shëndetësi” po vazhdon. “Sa i përket Beranës, qëllimi është që të fillohet me projekte infrastrukturore, të punohet për të mirën e qytetarëve dhe të hapen vende të reja pune, kurse shëndetësia është diçka që nënkupton jetë cilësore për çdo banor”, tha Abazoviq. Ai tha se ky është vetëm një nga investimet që do të realizohen gjatë vitit 2023 dhe se ka një plan ambicioz. Shqekiq tha se ky është fillimi i investimeve të reja në Berane, në mënyrë që qytetarët nga veriu të kenë një qendër për kujdesin shëndetësor. Ai vuri në dukje se mbi pesë milionë janë investuar në disa qendra shëndetësore, por edhe një numër i madh i specializimeve të personelit mjekësor në vitin e kaluar janë bërë të mundura. “Në pak vite do të kemi një sistem krejt tjetër, është një proces, por kur ka vullnet është një hap i madh përpara për ne”, tha ministri i Shëndetësisë.
