Kryetari i Komunës së Tuzit, Nik Gjeloshaj, në kuadër të vizitës së tij në Prishtinë, është pritur në takim sot nga kryetari i Prishtinës, Perparim Rama. Në një postim në Facebook, Gjeloshaj thotë: „Mbas Tiranës edhe Prishtina do jetë pjesë e sukseseve dhe zhvillimit të Komunës sonë. Edhe Komuna e Prishtinës, me miratimin e kryetarit, tashmë edhe mikut tim Përparimit – do të ndihmojë financiarisht në ndërtimin e sheshit të Tuzit! Tirana-Prishtina-Tuzi, bashkë për zhvillim“.
